Mühərrik yağının rənginin tündləşməsi heç də onun dəyişmə vaxtının gəlib çatması demək deyil.

Mühərrik yağının tündləşməsinə səbəb nədir? Və sizin mühərrik yağınızın qaralması nə vaxt dəyişmə vaxtından xəbər verəcək? Biz bu gün mühərrik yağının qaralmasına səbəb olan amillərdən danışacağıq.

Mühərrik yağını tündləşdirən (qaraldan) faktorlar

İstilik dövriyyəsi mühərrik yağını təbii olaraq qaraldır. Hər səhər işə getdiyiniz müddət ərzində sizin mühərrik normal iş temperaturunda (90C-140C) mühərrik yağını qızdırır. Sonra avtomobiliniz park edildiyi müddət ərzində mühərrik yağı soyuyur.

Nahar zamanı siz evə, yaxud şəhər mərkəzinə avtomobilinizlə getdiyiniz müddətdə mühərrik yağı yenə qızır. Bu proses evə getdiyiniz müddət ərzində davam edir və növbəti gün bu rejim eyni qaydada davamlı şəkildə təkrarlanır.

Mühərrik yağına qatılan bəzi əlavələr digər maddələrə nisbətən isti temperatura qarşı daha həssasdır. Bundan əlavə, normal oksidləşmə prosesi də mühərrik yağının qaralmasına təsir edən amillərdəndir. Oksidləşmə prosesi zamanı oksigen molekulları yağ molekulları ilə əlaqədə olur və bu da kimyəvi parçalanma ilə nəticələnir. Gündəlik həyatımızda biz bu prosesi kəsilmiş almanın qaralmasında, yaxud dəmirin paslanmasında müşahidə edirik. Yüksək dərəcəli temperatur oksidləşməni sürətləndirən faktorlardandır.

Çöküntülər mühərrik yağını qaralda bilər

Mühərrik yağı iş prosesi zamanı mühərrik daxilindəki hissələrlə, o cümlədən, orada mövcud olan çöküntülərlə təmasda olur. Adətən, çöküntülər tünd rəngli olduğundan onunla təmasda olan mühərrik yağı tündləşməyə (qaralmaya) məruz qalır.

Qurum mühərrik yağının qara rəngə çevrilməsinə səbəb olur.

İstilik dövriyyəsi mühərrik yağının qaralmasına səbəb olsa da, qurum da öz növbəsində yağın qara rəngə çevrilməsində müəyyən qədər rol oynayır. Əksər insanlar qurumu dizel mühərrikləri ilə əlaqələndirirlər, lakin benzin mühərriklərində - xüsusən də müasir birbaşa vurulan benzin mühərriklərində yanma zamanı qurum müşahidə edilə bilər.

Qurum natamam yanmanın əlavə məhsuludur. Qurum hissəciklərinin ölçüləri 1 mikrondan kiçik olduğundan, onlar, adətən, mühərrikin aşınmasına səbəb olmur. Müqayisə üçün deyək ki, insan saçının diametri təxminən 70 mikrondur.

Qurum hissəcikləri daha böyük aşınmaya səbəb olan çirkləndiricilərlə yığılarsa, yağ filtri onları tutacaq. Bəzən çirkləndiriciləri iki mikrona qədər süzə bilən bypass filtrasiya sistemlərindən istifadə edən insanlar mühərrik yağının yenə də tünd (qara) olmasına təəccüblənirlər.

Mühərrik yağı haqqında geniş yayılmış mif:

Qaralmış mühərrik yağına baxdıqda, onun köhnəldiyini və ya kifayət qədər çirkləndiricini özünə çəkərək mühərrikinizi qoruduğunu düşünüb artıq dəyişdirmə vaxtının gəlib çatdığını təxmin etmək adi bir haldır. Lakin bu mütləq olmayan bir təxmindir. Gördüyümüz kimi, mühərrik yağının rənginin dəyişməsi mühərrikiniz üçün çox kiçik olan istilik dövriyyəsi və qurum hissəciklərindən qaynaqlanan onlar təbii əlavə məhsuludur.

Mühərrik yağının qaralması onun istismar müddətinin bitməsi demək deyil. Bu qaralma mühərriki təmizləyən yuyucu və dispersantların yağ filtrinə hissəcikləri daşımaq işini düzgün yerinə yetirməsindən xəbər verir.

Yağın istismar müddətinin başa çatdığını müəyyən etməyin yeganə etibarlı yolu yağ analizinin aparılmasıdır. Yağ nümunəsinin kimyəvi analizi mühərrik yağının vəziyyətini, çirkləndiricilərin mövcudluğunu, yanacağın duruluğunu və s. Oil Analyzers INC daxil olmaqla, bir neçə şirkət neft təhlil i xidmətləri təklif edir.

Yağ təhlili olmadıqda, avtomobilinizin istifadəçi təlimatında və ya mühərrik yağı istehsalçısı tərəfindən verilən yağ dəyişdirmə tövsiyələrinə əməl etmək məqsədəuyğundur. AMSOIL məhsulları üçün tövsiyə olunan xidmət tövsiyələri illərlə sınanmış məlumatlara əsaslanır.

Bu vəziyyətdə gözünüzə deyil, məlumatlara etibar etmək daha yaxşıdır. Əks halda, yağın dəyişdirilməsi keyfiyyətli yağın vaxtından tez atılması ilə nəticələnə bilər. 

Müəllif: Sevda Rəhimova