Elektromobil – böyük imkanlara malik ən müasir nəqliyyat növlərindən biridir. Ancaq elektromobil yaratmaq texnologiyası hələ mükəmməl deyil, bitmiş və tam işlənmiş adlandırıla bilməz. Bu səbəbdən Tesla Model S Plaid-də olduğu kimi müəyyən bir model üçün xarakterik olan qəzalar vaxtaşırı ortaya çıxır və ya son dərəcə xoşagəlməz və dəhşətli qəzalar baş verir.

Yolda yanğın

"Tesla" zaman – zaman avtomobillərinin yaşandığı hadisələrlə əlaqəli qalmaqallardan sarsılır. Çox sayda elektromobil sonradan səhvlər və ya zavod qüsurları səbəbiylə geri çağrıldı. Eyni zamanda şirkətin mütəxəssisləri avtomobilləri yaxşılaşdırmaq və sərnişinlər üçün təhlükəsizliyi artırmaq üçün daima çalışırlar. Elektromobillərin konstruksiyasında mühüm dəyişikliklər edilir və əməliyyat sistemi kritik yeniləmələr alır. Təəssüf ki, yeni Tesla Model S Plaid elektromobili bütün amillərin nəzərə alınmasının mümkünsüzlüyünü nümayiş etdi.

Yanğın 29 iyun 2021-ci ildə ABŞ-ın Pensilvaniya ştatının Haverford şəhərində baş verib. Tesla Model S Plaid elektromobili yolda hərəkətdə idi, hər hansı digər bir avtomobillə toqquşmayıb, avtomobili idarə edən şəxs sükan arxasında yatmayıb və heç bir anormal vəziyyət nəzərə alınmayıb. Gördüyü ilk şey salondakı tüstü və alov idi, yanğın sürətlə böyüyürdü. Bu vəziyyətdə heç bir şey edilə bilməyəcəyini başa düşən sürücü, cəld salonu tərk etməyi qərar verdi, amma bacarmadı, elektronika tərəfindən qapılar kilidləndi.

Sahibinin elektromobil hərəkətdə olan zaman salondan çıxmaq üçün güclə qapını çırpmalı oldu, buna nail olduqdan sonra isə avtomobilin daha 12 metr necə getdiyini müşahidə etmək olar. Sürətlə bütün salona yayılan yanğın, batareyaların istiliyini azaltmaq üçün iki yanğınsöndürmə briqadası avtomobilə daim su çiləməli idi. Yanğının tam söndürülməsi üçün 2 saatdan çox vaxt sərf olundu.

Bəzi məlumatlara görə, Tesla elektrikli avtomobili, Tesla səhmlərinin 1,1 milyard dollarlıq hissəsinə sahib olan “Susquehanna International”ın rəqəmsal aktivlər qrupunun rəhbəri Bart Smitə məxsus idi. Yanğından bir neçə gün əvvəl elektrikli avtomobil almışdı. Avtomobilin sahibi istehsalçını bütün elektrikli avtomobilləri vəziyyəti aydınlaşdıranadək geri çağırmağa səslədi. Tesla özü sorğulara cavab vermədi.

Bu Model S Plaid ilə tam olaraq nə baş verdiyi bilinmir, vəziyyət Milli Yol Hərəkəti İdarəsi tərəfindən həll ediləcəkdir. İndiyə qədər hələ ki, zavod qüsurunun səbəb olduğuna dair heç bir dəlil yoxdur.

Müəllif: "AVTO KLUB AZƏRBAYCAN" klubunun təsisçisi, araşdırmaçı avtoekspert Natiq Nazimoğlu