Az adam bilir ki, “Hyundai” brendinin rəmzi təkcə maili yazılmış “H” hərfi deyil, həm də iki insanın əl sıxmasını simvolizə edir. Hazırkı rəmzin ilk versiyası 1990-cı ildə meydana gəldi və indi koreyalılar brend adını yeniləməyə qərar verdilər.

Ümumiyyətlə, çox az dəyişəcək: rəmz həm oval formatı, həm də “H” hərfini saxlayacaq. Ancaq indi qəbul edildiyi kimi, "iki ölçülü" olacaq (yəni heç bir kölgə və s.) və ən əsası parlaya biləcək. Bundan əlavə, rəmz barmaqlıqda parlaq zolaqlar ilə müşayiət olunacaq.

Koreya avtomobil sənayesinin pərəstişkarları bütün bunları gələcək nəsil “Hyundai Santa Fe” krossoverində şəxsən görə biləcəklər – casuslar onun ön bamperinin şəklini çəkə biliblər. Koreya mətbuatının məlumatına görə, beşinci nəsil yolsuzluq avtomobili 2022-ci ilin sonuna qədər debüt edə bilər.

Məlumatı hazırladı: "Avtoklub Azərbaycan klubu"nun təsisçisi, araşdırmaçı avtoekspert Natiq Nazimoğlu