Rusiya istehsalçısı AvtoVAZ sadələşdirilmiş Lada Largus və Lada Niva Travel avtomobillərini ən yaxşı halda sentyabr ayında dilerlərə göndərməyə başlayacaq. Bu barədə Lada.online portalı xəbər verib.  2022-ci ilin avqustunda bu modellərin istehsalına başlanacaq.

Bundan əvvəl “Largus” və “Niva Travel”in avqust ayından dilerlərə göndərilməyə başlayacağına dair yanlış məlumatlar yayılmışdı. AvtoVAZ-ın dilerlərinə göndərdiyi məktubunda 2022-ci ilin avqust ayı üçün avtomobillərin tender kampaniyasının iyulun 13-dən 14-dək keçiriləcəyi bildirilib. Dilerlər yalnız hazırda istehsal edilmiş avtomobilləri sifariş edə biləcəklər. Bu, Klassik '22, Cross, Drive Active, həmçinin Lada Niva Legend komplektasiyalarında olan Lada Grantadır.

Bundan əvvəl AvtoVAZ-ın rəhbəri Maksim Sokolov bildirmişdi ki, “Lada Niva Legend” yolsuzluq avtomobillərinin istehsalının avqustda bərpa olunması planlaşdırılır. Avtomobil ABS, Era-Glonass və yeganə hava yastığından məhrum olacaq. İnsayderlər bildiriblər ki, Lada Largus vaxtından əvvəl konveyerə minə bilər. Vaqonların və furqonların rənglənməsinə iyulun 19-da, kütləvi istehsalın isə iyulun 22-də bərpa olunması planlaşdırılır.

Tərcümə: Famil Ələkbərli

Mənbə: ufocar.ru